17

ന്യൂഡൽഹി: ശബരിമലയിലെ യുവതീപ്രവേശന ഹർജികളിലെ ഒമ്പതം​ഗ ബെഞ്ചിന്‍റെ വാദം ഏപ്രിൽ ഏഴിന് ആരംഭിക്കും. ഹർജിക്കാർക്ക് മൂന്ന് ദിവസം വാദിക്കാം. പുനഃപരിശോധനയെ എതിർക്കുന്നവർക്ക് ഏപ്രിൽ 14 മുതൽ 17 വരെയും വാദിക്കാമെന്നും സുപ്രീംകോടതി അറിയിച്ചു.

അതേസമയം, കേസിൽ അമിക്കസ് ക്യൂറിയുടെ വാദം ഏപ്രിൽ 21ന് ആയിരിക്കും. ഏപ്രിൽ 22ന് വാദം പൂർത്തിയാക്കും. ഒമ്പതംഗ ഭരണഘടനാ ബെഞ്ച് ഇതിനായി രൂപീകരിക്കും. അംഗങ്ങളെ ചീഫ് ജസ്റ്റീസ് തീരുമാനിക്കും. മാർച്ച് 14ന് മുമ്പ് സംസ്ഥാന സർക്കാർ അടക്കമുള്ള എല്ലാ കക്ഷികളും നിലപാട് എഴുതി നൽകാനും ചീഫ് ജസ്റ്റീസ് സൂര്യകാന്ത് അധ്യക്ഷനായ മൂന്നംഗ ബെഞ്ച് നിർദേശിച്ചു.

പുനഃപരിശോധനയെ അനുകൂലിക്കുന്നു എന്ന് കേന്ദ്രവും ഹർജികളെ എതിർക്കുന്നില്ലെന്ന് സംസ്ഥാനവും അറിയിച്ചു. ഒമ്പതംഗ ബെഞ്ചിന്‍റെ വിധിക്കനുസൃതമായി അഞ്ചംഗ ബെഞ്ച് വീണ്ടും ശബരിമല പുനഃപരിശോധന ഹർജികൾ പരിഗണിച്ച് അന്തിമ വിധി പുറപ്പെടുവിക്കും.

തുല്യതയും വിശ്വാസ സ്വതന്ത്രവും മതാചാരങ്ങളുടെ അനിവാര്യതയുമായി ബന്ധപ്പെട്ട 67 ഹര്‍ജികളാണ് കോടതി പരിഗണിച്ചത്. യു​വ​തീപ്ര​വേ​ശ​ന​ത്തി​ന് പു​റ​മേ മു​സ്ലിം പ​ള്ളി​ക​ളി​ലെ സ്ത്രീ ​പ്ര​വേ​ശ​നം, പാ​ഴ്സി സ്ത്രീ​ക​ളു​ടെ അ​വ​കാ​ശ​ങ്ങ​ൾ തു​ട​ങ്ങി​യ മ​ത​പ​ര​മാ​യ വി​ഷ​യ​ങ്ങ​ളും ഇ​തി​നൊ​പ്പം പ​രി​ഗ​ണി​ക്കു​ന്നു​ണ്ട്.

2018 സെപ്റ്റംബർ 28നാണ് യുവതീ പ്രവേശനം അനുവദിച്ച് സുപ്രീം കോടതി ഉത്തരവിട്ടത്. തെരഞ്ഞെടുപ്പ് അടുത്ത സാഹചര്യത്തിൽ സർക്കാറിന് ഹർജികൾ നിർണായകമാകും. 2019ല്‍ രൂപീകരിച്ച ഒന്‍പതംഗ ബെഞ്ചില്‍നിന്ന്, ജസ്റ്റീസ് സൂര്യകാന്ത് ഒഴികെയുള്ള എട്ട് ജഡ്ജിമാരും വിരമിച്ച സാഹചര്യത്തിലാണ് പുതിയ ബെഞ്ച് രൂപീകരിക്കുന്നത്.

കൊ​ച്ചി: ശ​ബ​രി​മ​ല യു​വ​തീ പ്ര​വേ​ശ​ന വി​ഷ​യ​ത്തി​ല്‍ സ​ര്‍​ക്കാ​ര്‍ നേ​ര​ത്തെ ന​ല്‍​കി​യ സ​ത്യ​വാം​ഗ്മൂ​ലം മാ​റ്റി പു​തി​യ​ത് ന​ല്‍​കു​മോ​യെ​ന്ന് മു​ഖ്യ​മ​ന്ത്രി വ്യ​ക്ത​മാ​ക്ക​ണ​മെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ന്‍. ഈ ​വി​ഷ​യ​ത്തി​ല്‍ ഒ​ളി​ച്ചു​ക​ളി പ​റ്റി​ല്ല. അ​ഴ​കൊ​ഴ​മ്പ​ന്‍ നി​ല​പാ​ടും ഇ​നി പ​റ്റി​ല്ല.

എ​ന്താ​ണ് നി​ല​പാ​ടെ​ന്ന് കൃ​ത്യ​മാ​യി പ​റ​യ​ണ​മെ​ന്ന് വി.​ഡി.​സ​തീ​ശ​ന്‍ ആ​വ​ശ്യ​പ്പെ​ട്ടു. യു​വ​തീ പ്ര​വേ​ശ​ന​ത്തെ സ​ര്‍​ക്കാ​ര്‍ അ​നു​കൂ​ലി​ക്കു​ന്നു​ണ്ടോ. അ​നു​കൂ​ലി​ക്കു​ന്നു​ണ്ടെ​ങ്കി​ല്‍ ഇ​പ്പോ​ള്‍ ന​ല്‍​കി​യ സ​ത്യ​വാം​ഗ്മൂ​ല​ത്തി​ല്‍ ഉ​റ​ച്ചു നി​ല്‍​ക്കാം. നേ​ര​ത്തെ അ​ന്ന​ത്തെ ദേ​വ​സ്വം മ​ന്ത്രി പ​ര​സ്യ​മാ​യി മാ​പ്പു പ​റ​ഞ്ഞ​താ​ണ്.

ക്ഷ​മ ചോ​ദി​ച്ച​താ​ണ്. തെ​റ്റി​പ​റ്റി​പ്പോ​യി എ​ന്നെ​ല്ലാം പ​റ​ഞ്ഞ​താ​ണ്. അ​ങ്ങ​നെ​യെ​ങ്കി​ല്‍ ഈ ​സ​ത്യ​വാം​ഗ്മൂ​ലം പി​ന്‍​വ​ലി​ക്ക​ണം. ഏ​തെ​ങ്കി​ലും ഒ​രു നി​ല​പാ​ടു വേ​ണം. ഇ​പ്പോ​ഴാ​ണ് ഏ​താ​ണ് സ​ര്‍​ക്കാ​രി​ന്‍റെ സ്റ്റാ​ന്‍​ഡെ​ന്നു വ്യ​ക്ത​മാ​കാ​ന്‍ പോ​കു​ന്ന​ത്.

അ​ക്കാ​ര്യ​ത്തി​ല്‍ അ​വ​ര്‍ തീ​രു​മാ​നി​ക്ക​ട്ടെ. ഇ​നി സ​ര്‍​ക്കാ​ര്‍ മാ​റി​യാ​ല്‍ യു​ഡി​എ​ഫി​ന് ഒ​രു നി​ല​പാ​ടു​ണ്ട്. ആ ​നി​ല​പാ​ട് കോ​ട​തി​യെ അ​റി​യി​ക്കു​മെ​ന്നും സ​തീ​ശ​ന്‍ പ​റ​ഞ്ഞു.

കോ​ട്ട​യം: ശ​ബ​രി​മ​ല യു​വ​തീ പ്ര​വേ​ശ​ന​ത്തി​ൽ സ​ര്‍​ക്കാ​ര്‍ നിലപാട് തി​രു​ത്തു​മെ​ന്നാ​ണ് പ്ര​തീ​ക്ഷ​യെ​ന്ന് എ​ന്‍​എ​സ്എ​സ് ജ​ന​റ​ല്‍ സെ​ക്ര​ട്ട​റി ജി.​സു​കു​മാ​ര​ന്‍ നാ​യ​ര്‍. യു​വ​തീ പ്ര​വേ​ശ​ന​ത്തി​ന് അ​നു​കൂ​ല​മാ​യി​ട്ടാ​ണ് സം​സ്ഥാ​ന സ​ർ​ക്കാ​ർ നേ​ര​ത്തെ നി​ല​പാ​ട് സ്വീ​ക​രി​ച്ച​ത്.

എ​ന്നാ​ൽ അ​ടു​ത്ത കാ​ല​ത്താ​യി സ​ർ​ക്കാ​ർ നി​ല​പാ​ട് മാ​റ്റി​യെ​ന്ന സൂ​ച​ന​യാ​ണ് കാ​ണു​ന്ന​തെ​ന്നും സു​കു​മാ​ര​ന്‍ നാ​യ​ര്‍ പ​റ​ഞ്ഞു. താ​ൻ ഇ​തു​മാ​യി ബ​ന്ധ​പ്പെ​ട്ട് സ​ർ​ക്കാ​രി​നെ ബ​ന്ധ​പ്പെ​ട്ടി​ട്ടി​ല്ല. സ​ത്യ​വാം​ഗ്മൂ​ലം തി​രു​ത്ത​ണോ​യെ​ന്ന് അ​വ​ർ നി​യ​മ​പ​ര​മാ​യി തീരുമാനിക്കട്ടെ.

വി​ഷ​യ​ത്തി​ൽ എ​ൻ​എ​സ്എ​സി​ന്‍റെ നി​ല​പാ​ടി​ന് മാ​റ്റ​മി​ല്ലെ​ന്നും സു​കു​മാ​ര​ൻ നാ​യ​ർ പ​റ​ഞ്ഞു. എ​ൻ​എ​സ്എ​സ് മാ​ത്ര​മാ​ണ് കേ​സി​ന് പോ​യ​തെ​ന്നും അ​ദ്ദേ​ഹം അ​വ​കാ​ശ​പ്പെ​ട്ടു. സ​മു​ദാ​യ​സം​ഘ​ന​ക​ളു​ടെ വാ​ദം എ​ഴു​തി ന​ല്‍​കാ​ന്‍ കോ​ട​തി നി​ര്‍​ദേ​ശി​ച്ചി​രു​ന്നു.

എ​ല്ലാ സം​ഘ​ട​ന​ക​ളേ​യും കോ​ട​തി വി​ളി​ക്കു​മോ​യെ​ന്നും അ​റി​യി​ല്ല. എ​ന്താ​യാ​ലും എ​ന്‍​എ​സ്എ​സി​നെ വി​ളി​ക്കും. ഞ​ങ്ങ​ള്‍ പൂ​ര്‍​ണ സ​ജ്ജ​മാ​ണ്. പ​ഴ​യ വാ​ശി​യോ​ടെ ത​ന്നെ കേ​സി​ല്‍ എ​സ്എ​സ്എ​സ് മു​ന്നോ​ട്ടു പോ​കു​ക​യാ​ണെ​ന്നും ജി. ​സു​കു​മാ​ര​ന്‍ നാ​യ​ര്‍ പ​റ​ഞ്ഞു.

ന്യൂ​ഡ​ൽ​ഹി: ശ​ബ​രി​മ​ല യു​വ​തീ പ്ര​വേ​ശ​ന​വു​മാ​യി ബ​ന്ധ​പ്പെ​ട്ട ഹ​ർ​ജി​ക​ൾ സു​പ്രീം​കോ​ട​തി തി​ങ്ക​ളാ​ഴ്ച പ​രി​ഗ​ണി​ക്കും. യു​വ​തി​ക​ൾ​ക്ക് പ്ര​വേ​ശ​നം അ​നു​വ​ദി​ക്കു​ന്ന വി​ധി പു​നഃ​പ​രി​ശോ​ധി​ക്ക​ണ​മെ​ന്നാ​വ​ശ്യ​പ്പെ​ട്ട് ന​ൽ​കി​യ ഹ​ർ​ജി​ക​ൾ ചീ​ഫ് ജ​സ്റ്റീ​സ് സൂ​ര്യ​കാ​ന്ത് അ​ധ്യ​ക്ഷ​നാ​യ മൂ​ന്നം​ഗ ബെ​ഞ്ചാ​കും പ​രി​ഗ​ണി​ക്കു​ക.

2019 ലാ​ണ് യു​വ​തീ പ്ര​വേ​ശ​ന​വു​മാ​യി ബ​ന്ധ​പ്പെ​ട്ട വി​ഷ​യം അ​വ​സാ​ന​മാ​യി സു​പ്രീം​കോ​ട​തി​ പ​രി​ഗ​ണി​ച്ച​ത്. കോ​വി​ഡി​നെ തു​ട​ർ​ന്നു​ള്ള സാ​ഹ​ച​ര്യ​ങ്ങ​ളി​ൽ ഒ​മ്പ​തം​ഗ ബെ​ഞ്ച് ഹ​ർ​ജി​ക​ൾ പ​രി​ഗ​ണി​ക്കു​ന്ന​ത് മാ​റ്റി​വെ​ക്കു​ക​യാ​യി​രു​ന്നു. ആ​റ് വ​ർ​ഷ​ങ്ങ​ൾ​ക്ക് ശേ​ഷ​മാ​ണി​പ്പോ​ൾ കേ​സ് വീ​ണ്ടും പ​രി​ഗ​ണ​ന​യ്ക്ക് വ​രു​ന്ന​ത്.

2019ൽ ​കേ​സ് ഒ​മ്പ​തം​ഗ ബെ​ഞ്ച് പ​രി​ഗ​ണി​ച്ച​പ്പോ​ൾ ഉ​ണ്ടാ​യി​രു​ന്ന ജ​ഡ്‌​ജി​മാ​രി​ൽ അ​വ​ശേ​ഷി​ക്കു​ന്ന ഏ​ക​യാ​ളാ​ണ് ഇ​ന്ന​ത്തെ ചീ​ഫ് ജ​സ്റ്റീ​സ് സൂ​ര്യ​കാ​ന്ത്. ഒ​മ്പ​തം​ഗ ബെ​ഞ്ച് കേ​സി​ൽ എ​ന്ന് മു​ത​ൽ വാ​ദം കേ​ൾ​ക്കു​മെ​ന്ന കാ​ര്യ​ത്തി​ലും തി​ങ്ക​ളാ​ഴ്ച തീ​രു​മാ​ന​മു​ണ്ടാ​യേ​ക്കും.

ഹ​ർ​ജി​ക​ൾ പ​രി​ഗ​ണി​ക്കു​മ്പോ​ൾ സം​സ്ഥാ​ന സ​ർ​ക്കാ​ർ നി​ല​പാ​ട് അ​റി​യി​ക്കേ​ണ്ടി വ​രും. നേ​ര​ത്തെ യു​വ​തീ പ്ര​വേ​ശ​ന​ത്തി​ന് അ​നു​കൂ​ല​മാ​യി​ട്ടാ​ണ് സ​ർ​ക്കാ​ർ നി​ല​പാ​ട് എ​ടു​ത്തി​രു​ന്ന​ത്.